Sa Madaling Salita

Happy New Year Sa Lahat! Maraming masayang nangyari ngayong 2011 pero itong sampo ay ang pinaka-masasayang alala. Maraming salamat sa inyo, aming mga taga-suporta, dahil pinasaya niyo kami sa 2011!

1. Shirley sa Singapore

Masaya tumugtog sa ibang bansa lalo na kung kasama mo ang mga matatalik mong kaibigan at ang iyong minamahal. Masarap pa ang pagkain.

photo by Matt Cayaba

2. Digmaang Choice Indie Act

Exciting makipaglaban sa padamihan ng boto kasi malalaman mo kung sino ang pinaka loyal sa mga fans mo at malalaman mo rin na kaya nilang gawin ang lahat para lang manalo ka.

3. Pagcover ng Peace It Together

Nakakataba ng puso na yung mismong miyembro ng bandang pinagmulan ng pangalan ng banda mo ang nagsabing ang galing ng pagkatugtog mo ng kanta nila.

4. Ang Shooting ng The Grim Repat Patintero Video

Mabubusog ang tiyan mo at ang puso mo dahil may mga taong umiibig sa mga kanta ng banda mo at gusto pang gawan ng music video o umextra dito nang walang bayad.

photo by Mara Coson

5. Mosh sa The Strangeness EP Launch

Nakangiting magtataka ka pag may nagmomosh sa kanta mong 120 BPM ang tempo at ito’y isang mabagal na love song.

photo by Mij Bautista

6. Russ at Selena

Oo sila na. Kung di mo pa alam, malamang mapapangiti ka rin ngayon na nalaman mo.

photo by Peter Tolibas

7. Wild Crowd sa Despedida ni Bobby Benedicto

May mga taong natutumba sa harap mo at natatanggal yung power ng effects mo pero di nila nahahalata kasi masyado lang silang masaya.

photo by Joey Alvero

8. Nagpropose si Puto kay Lianne sa Nomnomnom

Nakakatuwang tumugtog sa isang di malilimutan at sobrang nakakakilig na pagdiriwang ng pag-iibigan.

photo by Peter Tolibas

9. Photoshoot kasama si Bong Sta Maria

Kahit na gusto na naming gawing mas seryoso ang image ng banda, lumabas pa rin ang pagka kengkoy at pagkamasayahin namin sa mga letratong ito.

Photo by Bong Sta Maria

10. Birthday Lunch ni Owel at ang Masikip na car ride pauwi.

Masarap kumain ng Japanese Bento Box kasama ang buong banda at masarap din makipagsiksikan sa kotche at magtanungan ng mga kontrobersyal na mga tanong sa isa’t isa.